Die woord Ineffable beteken iets buitengewoon besonders wat moeilik in woorde omskryf word, daarom is dié woord gepas vir die besigheid.
Baie welkom in Ineffable se digitale huis. Hier is baie kamers, maak jouself tuis. Sien ons as die familie wat jy nog nie ontmoet het nie. In 'n wêreld waar alles verbrokkel, kan ons verstaan waarom ons met onsekerhede sit en onsself onderskat. Hier is jy veilig en wil ons jou los met die wete dat daar iets buitengewoon besonders in jou is.
DIE MENSDOM
In 2019 begin ons ons medemens te vier - dis nou mense soos ek en jy. Ons vier jou, want ons wil jou los met die wete dat jy waardig is en dat jy hier hoort.
DIE AANHANGER
In 2020 het Ineffable, tydens die inperking, die kuns- en kommunikasie bedryf ondersteun deur gratis digitale plakkate vir kunstenaars te ontwerp, sodat hulle hul aanlyn optredes kan adverteer.
DIS BESIGHEID
In 2020 het Ineffable, tydens die inperking, plaaslike besighede ondersteun deur hul produkte en dienste gratis op ons sosiale media blaaie te adverteer.
ONS ERFENIS
In 2021 brei Ineffable uit en ondersteun ons ons Boere en die Afrikanergeskiedenis deur middel van erkenning en bewusmaking,
Hier kan Oom Paul jou voorberei vir die dag se gebeure en kan jy in die gees van Andries Pretorius die land begin plat reis. Jopie Fourie sal jou daaraan herinner om getrou te wees in dit waarin jy glo en jou aanmoedig om vir jou mense op te staan - veral wanneer van jou eie mense kies om te sit.
Met ons derde verjaardag het ons, in 2022, ons boereporselein vrygestel en as geskenke uitgedeel. Ons weet waar ons vandaan kom, dis vir ons belangrik dat jy ook weet. Sluk jou trots.Hier staan ons vir iets en val ons vir niks.
