Jou huis is waar jou hart is en ons hart is op die regte plek. Net hier! Hier sien ons iets buitengewoon besonders in jou. As 'n vreemdeling dit kan raaksien, waarom kan jy nie en waarom onderskat jy dit?
Hartlik welkom in ons digitale ontwerpershuis ...
Ineffable Digital Designs™ is in 2019 gestig met die doel om op 'n daaglikse basis onverwagse erkenning aan buitengewone mense, plaaslike besighede, organisasies en kunstenaars te gee.
Sedertdien het ons ongeveer 2 000 collages ontwerp en 'n hele paar plekke besoek en vriende gemaak.
Ineffable is in 2019 in die hartjie van Potchefstroom gestig met die doel om collages aan mense op te dra. Dié gedagte het hoofsaaklik vanuit 'n eensame plek gespruit en my gelos met die wete dat ek my eie waarde in my talent gereeld onderskat. As gevolg hiervan was dit vir my belangrik om mense aan hul eie waarde te herinner en daarop uit te wys dat ons almal hier hoort.
In 2020 maak ons 'n kaapse draai en skiet ons ons wortels in die Paarl. Ons het vir twee jaar in die wynbedryf gewerk en die impak van die inperking tydens Covid op ons boere, plaaslike besighede en die kunsbedryf begin raaksien. Sedertdien het ons besighede, organisasies en die kunste getrou ondersteun.
In 2022 koers ons Pretoria toe en werk ons saam met verskillende organisasies om 'n selfopbouende verskil in die gemeenskap te maak. Dis ons storie. Dis waar ons vandag is. Wie weet wat môre vir ons moontlik gaan inhou.
Aangename kennis!
My naam is Hilde Kruger en ek is die stigter en eienaar van Ineffable Digital Designs™. Ek is 'n grafiese ontwerper, visuele ontwerper en skrywer.
Ineffable Digital Designs™ is 'n eenmansaak wat daarna streef om 'n opbouende verskil in die gemeenskap en plaaslike besighede te maak deur onverwagse erkenning regoor die land op 'n daaglikse basis te gee.
In ons digitale ontwerpershuis kan ek my liefde vir taal en kuns voluit leef deur 'n positiewe verskil in iemand se dag te maak - ongeag waar ons is.
Dis ideaal, want dis digitaal.™
Deur die jare het ons 'n paar onderhoude by die volgende media huise gehad.
Wat 'n voorreg!
Dis ons storie, vertel ons joune.
Stuur vir ons 'n vonkpos.