My ouma het altyd 'n spogkas in haar eetkamer gehad. Hierdie glaskas was gewoonlik gesluit, sodat haar sentimentele besittings, soos die handgemaakte geskenke wat haar kleinkinders vir haar gestuur het, veilig bewaar sou word.
Ineffable gee, maar soms ontvang ons ook - daarom ontvang ons elke geleentheid met grasie en maak ons dit spesiaal. Dis spesiaal, want dis sentimenteel. Uit ervaring het ons 'n hele paar lesse geleer en pas ons ons kennis toe op grond van dit wat ons geleer het.
Sedert Ineffable se bestaan het ons netwerke gebou en is ons al vir 'n paar onderhoude genooi.
Ineffable bou steeds voort op ons netwerke en het 'n hele paar besighede in die verlede al gehelp.
Sedert Ineffable se bestaan, ondersteun ons Dandelion Delineation. In 2021 word ons met 'n ontwerpersrok geborg, sodat ons by die #GoeieGons glansgeleentheid kan uitstaan.
In 2023 is ons genader om 'n embleem vir die Pelgrim te ontwerp. Jandré du Plessis is 'n dinamiese reisiger wat 'n liefde vir Afrikaans en militêre geskiedenis het. Soos wat hy reis en plekke ontdek, skryf hy graag en deel hy die stories op sy digitale platforms.
In 2021 nader Wian en Leon ons om 'n identiteit vir Stoepsit potgooi te skep.
In 2022 skep ons 'n korporatiewe identiteit vir The Therapy Bee.
In 2022 vat Ineffable hande met Solidariteit Helpende Hand. Hier gee ons erkenning aan elke personeellid wat 'n verskil in die Afrikaner-gemeenskap maak.
In 2021 is ons deur Hoërskool Waterkloof genader om plakkate vir hul opedag te ontwerp.
G&T is 'n perske gin rooibostee. Hier is ons genader om die korporatiewe identiteit te skep en die handelsmerk uit te brei. Soeter as die stryd!
AfriForum Teater is dié tuiskomplek vir Afrikaanse kunste. Ineffable is in 2023 genader om borde te ontwerp en die stylgids volgens hul korporatiewe identiteit aan te pas.
In 2023 kry ons die voorreg om vir
De Goede Hoop Koshuis se HK-lede en Eerstejaars hemde te ontwerp.
Ons digitale paaie kruis in 2020 met Lindie van Gass. Hier het ons die voorreg gekry om haar embleem te ontwerp en ook, in 2021, saam te werk, deur kuns en skryfkuns saam te smelt en geskenke te verkoop.
Soms is die media nuuskierig oor wie ons is en wat ons doen.
Deur die jare het ons 'n paar onderhoude met die volgende media huise gehad.
In 2021 word ons as Solidariteit #GoeieGons se Grafiese Ontwerper van die jaar gekroon.
Sedertdien behou ons noue bande met Solidariteit se Kommunikasie- en Bemarkingsnetwerk.